Жээнбеков: өзгөчө кырдаал болгондо чуркабай, анын алдын алууга аракет кылгыла
Өзгөчө кырдаал жаралганда гана чуркабастан, анын алдын алууга мүмкүнчүлүк түзүлүшү керек. Мындай пикирин Ош облусундагы кырсыктардын кесепети менен таанышып, кооптуу жерлерди кыдырып жүргөн өкмөт башчы Сооронбай Жээнбеков тиешелүү органдардын кызматкерлерине айтты.
"Биз азыр суу, дарыялар көтөрүлгөндө эле чуркап жатабыз. Ошондуктан силер өтө кооптуу делген жерлердин тезмесин эртерээк бергиле. Биз акча бөлөлү. Көп болсо 100 миллион сом болоор. Бирок биз бул иштерди жасашыбыз керек", — деди Жээнбеков.
Ошондой эле ал убактылуу гана жасалып жаткан иштерге нааразы болуп, алгылыктуу иштер жасалышы керектигин баса белгиледи.
