БИШКЕК, 30-апр. — Sputnik. Кыргызстандын армиясы жыл сайын чыгуучу куралдуу күчтөрдүн Global Firepower рейтингинде 109-орунга татыды.
Жалпысынан тизмеге 127 өлкө кирген. Рейтингдин көч башында АКШ, Россия жана Кытай турат. Ал эми Кыргызстан Мозамбик менен Эстониянын ортосунда. Борбор Азия мамлекеттеринин ичинен Өзбекстан 48-орунда, Казакстан 53-орунда жана Тажикстан 112-орунда турат. Былтыркы жылга салыштырмалуу Кыргызстан өз көрсөткүчүн бир тепкичке жакшырткан.
Global Firepower индекси болжол менен 50 фактыны эске алуу менен түзүлөт. Анын ичинде аскерге жарамдуулардын саны, мамлекеттин армияга бөлгөн каражаты, аскер аба жана деңиз күчтөрүнүн кубаттуулугу эске алынат.
