БИШКЕК, 27-апр. — Sputnik. Россиянын Калининград облусунан Федералдык коопсуздук кызматынын атайын даярдыктагы аскерлери "Ислам жихады — моджахеддер жамааты" террордук уюмуна мүчө делген 12 кишини кармады. Бул тууралуу аталган мекеменин маалымат кызматы билдирди.
21 Чын Куран 2017, 18:08
Атайын кызмат топтун лидери ким экенин да аныктаган. Ал Өзбекстанда дагы экстремисттик мүнөздөгү кылмыш жасаган деп издөөгө алынган. Укук коргоо органдарынын алдын ала маалыматы боюнча топтун башчысы Калининград облусунун тургундарын жана Орто Азиядан келгендерди террордук уюмга азгырып жүргөн.
Кармалган жаран сурак учурунда анын туугандары эл аралык террордук уюмдун аракеттерине катышып жүргөнүн айткан.
Аларды өз мекенине жакын арада жөнөтүү боюнча аракеттер көрүлүүдө.
