"Дыйкан" базарын жабуу аракетинде жеке кызыкчылык бар. Бул тууралуу Sputnik Кыргызстан агенттигине "Дыйкан" базарынын жетекчисинин орун басары Талип Ташибаев билдирди.
Эске сала кетсек, өткөн жылдын октябрь айында Мамэкотехинспекциясы базар өрт коопсуздугунун талаптарына жооп бербей турганын жана антисанитардык абалда экенин аныктаган. Мындан улам базарды көчүрүү чечими кабыл алыган.
"Дыйкан" базарын жабуунун сыры "Сары-Өзөн" базарына барып такалат. Айрым адамдар "Сары-Өзөн" базарын иштете албай жатат. Ошол үчүн соодагерлерди ал жакка алып баргысы келүүдө. Бирок ал базар соодагерлер үчүн ыңгайсыз экен. "Сары-Өзөндү" иштетиш үчүн сөзсүз биздин базарды жабуу керекпи?" — деди Ташибаев.
Ал базардын айланасындагы маслени иликтөө үчүн депутаттык комиссия түзүлгөнүн кошумчалады.
