БИШКЕК, 26-апр. — Sputnik. Бишкекте кыргыз маданияты менен 24 өлкөдөн келген коноктор таанышат. Бул тууралуу Фольклордук фестивалдар жана маданий топтор эл аралык уюмунун Кыргызстандагы комитетинин башчысы Татьяна Мосиевская билдирди.
Эл аралык уюмдун Кыргызстандагы комитетинин башчысы Татьяна Мосиевскаянын айтымында, иш-чара жаштарга жаңы мүмкүнчүлүктөрдү берет.
"Алар кыргыз маданияты менен таанышып, ар кайсы мамлекеттин маданиятынын өнүгүүсүн жана байланышын талкуулашат. Бул жаштардын чоң долбоорлорго катышуусуна жол ачкан өзгөчө аянтча жана чет элдик жогорку окуу жайларга өтүп кетишине дагы жол ачат. Биз бул форумдан көп нерсени күтөбүз", — деди Мосиевская.
Аталган саамалыкка Марокко, Индонезия, Словения, Италия, Түркия жана Кытай өңдүү 24 өлкөнүн өкүлдөрү катышууда.
