Жөө адамды коюп кеткен айдоочу кыз андан ары киного кеткен

© Sputnik / Алексей Мальгавко / Медиабанкка өтүүАйдоочу кыз. Архив
Айдоочу кыз. Архив - Sputnik Кыргызстан
Жазылуу
Жабыр тарткан тургун ооруканага жеткирилген, дарыгерлер анын эки тизеси сынганын аныкташты.

БИШКЕК, 22-апр. — Sputnik. Борбор калаада жөө адамды коюп кеткен айдоочу кыз окуя болгон жерден изин жашырып кеткен. Бул тууралуу ШИИБдин Кайгуул милициясынан билдиришти.

"Бейшемби күнү болжол менен саат 21:30дар чамасында 4-кичи райондогу №4б үйүнүн маңдайынан BMW Х6 үлгүсүндөгү машина соода күркөсүнөн чыгып келе жаткан кыздын бутун тебелеп кеткен", — деп Кайгуул милициянын маалымдашты.

Жабыр тарткан тургун Бишкектеги Травматология жана ортопедия илим изилдөө борборуна жеткирилген. Анын эки тизеси сынып, гипс коюлганын дарыгерлер белгилешти.

Милиция кызматкерлери. Архив - Sputnik Кыргызстан
Милиция: бүгүн чак түштө эки окуучуну койдуруп кетти делген айдоочу кармалды
Окуя болгон жерден анча алыс эмес жерден Кайгуул милициясынын кызматкерлери ак түстөгү BMW Х6 машинасын тапкан. Ал бишкектик 28 жаштагы аялга таандык экени аныкталган.

"Ал эч кимдин бутун тебелебегенин айткан. Бизде дагы эч кандай далил жок болчу. Телефон номерлерин жазып алып, коё бергенбиз. Бирок, машинанын дөңгөлөгүнүн изинен биз жол кырсыгына анын тиешеси бар экенин аныктадык. Ага чалып кайрылганыбызда кинодо экенин, азыр бошобой турганын айтты. Кийин аны Кайгуул милиция башкармалыгына алып келдик, ал жасагандарын мойнуна алды. Машинанын ичинде музыкадан улам эмне болгонун ал түшүнгөн эместигин айтты", — деп милициядан кошумчалашты.

Учурда жол тандабас айып короого киргизилип, тергөө амалдары жүрүүдө.

Жаңылыктар түрмөгү
0