БИШКЕК, 21-апр. — Sputnik. Өзбекстанда 2019-жылы эң чоң сыра заводу курулат. Бул тууралуу Sputnik Өзбекстан маалымат агенттиги билдирди.
Заводду курууну "Ташкентвино" комбинаты демилгелеп жатат.
"Ал Жизак облусунун Заамин районуна курулат. Бул эң ири завод болуп, жылына 30 миллион декалитрге чейин продукция чыгарат", — деп ишканадан маалымдашкан.
Заводдун курулушу 2019-жылга пландалган. Учурда жер бөлүнүп, даярдык көрүү иштери жүрүүдө.
Бул долбоорго чет элдик өнөктөштөр да катышары айтылууда, балким, бул жактагы сыралар немис компанияларынын биринин бренди менен чыгышы мүмкүн деп айтылат маалыматта.
Буга чейин кабарлангандай, Өзбекстан 2017-жылдын 1-январынан тарта бир нече товарларга бажы салыгын көтөргөн. Мисалы, сыранын литрине коюлган салык дээрлик бир долларга чейин көбөйгөн.
