БИШКЕК, 20-апр. — Sputnik. Албанияда президенттик шайлоонун биринчи раунду талапкердин жоктугунан үзгүлтүккө учураганын америкалык Fox News телеканалы билдирди.
Буга башында өкмөт башчы Эди Рама турган башкаруучу партиянын талапкер сунуштоодон баш тартышы себеп болду.
"Биз жаңы президентти тандоо боюнча оппозиция менен диалогго келели деген максат менен талапкер чыгарган жокпуз. Албаниядагы бардык саясий күчтөр менен консенсуска келгибиз келет" — деди парламент төрагасы Илир Мета.
17 Чын Куран 2017, 12:30
Аталган өлкөнүн мыйзамына ылайык, жеңишке жетиш үчүн талапкер 140 депутаттын 84үнүн добушун алышы керек. Эгер беш раунддан кийин жаңы президент болчу адам тандалбаса, парламент автоматтык түрдө таркатылат.
Ал эми эл президентти 18-июнда шайлайт.
Маалыматка караганда, Албаниянын оппозициясы таза шайлоо өткөрүү үчүн убактылуу өкмөттү таркатууну талап кылып, парламентке бойкот жарыялаган.
