БИШКЕК, 17-апр. — Sputnik. Шайлоо жана референдум өткөрүү боюнча борбордук комиссия менчик телеканалдарга шайлоо алдындагы үгүт иштерин чагылдырууга тыюу салбайт. Бул тууралуу БШКнын маалымат кызматы кабарлады.
Буга чейин айрым ЖМКлар жана интернет-басылмалары БШК жеке телекомпанияларга шайлоо өнөктүгүн чагылдырууга тыюу салууну чечти деген күмөн маалыматтарды жарыялашкан. БШК мындай маалыматтар чындыкка дал келбей турганын айтып чыкты.
Мыйзамда көрсөтүлгөндөй мамлекеттик телеканалдар сыяктуу эле менчик телекомпаниялар да кадимки тартипте шайлоо агитациясына катыша алат. Андагы башкы талаптардын бири бардык саясий партияларга жана талапкерлерге бирдей мамиле жасоо болуп саналат.
Телекомпаниялар менчик түрүнө карабастан шайлоого катышып жаткан бардык талапкер шайлоо компанияларга эфирге чыгуу убактылары, берүүнүн көлөмү сыяктуу бирдей шартта эфир берүүгө тийиш.
