БИШКЕК, 19-апр. — Sputnik. Мадриддик "Реал" Чемпиондор лигасынын чейрек финалдык оюндарынын жооптук беттешинде "Баварияны" 4:2 эсебинде утуп алды.
Көпчүлүктүн бүйүрүн кызыткан беттеш Мадрид шаарында болуп, негизги убакыт ичинде "Бавариянын" чабуулчусу Роберт Левандовский пенальтиден гол киргизип, эсепти ачты. Ал эми оюндун 76-мүнөтүндө Криштиану Роналду эсепти теңесе, эки мүнөт өтпөй "Реалдын" коргоочусу Серхио Рамос өз дарбазасына гол киргизип, аттандашынын эсебин экиге жеткирди.
Белгилей кетсек, Германияда болгон биринчи оюнда "Реал" 1:2 эсебинде немистердин командасын утуп алган.
"Реал Мадриддин" чабуулчусу Роналду ушуну менен Чемпиондор Лигасында 100-голун киргизди.
Ал эми экинчи жуп болгон "Атлетико" менен "Лестердин" оюну 1:1 эсебинде аяктап, эки беттештин жыйынтыгы менен "Атлетико" алдыга оозуп чыкты. Анткени биринчи оюнда 1:0 эсебинде "Лестерди" утуп алган.
Ошентип Чемпиондор Лигасынын жарым финалына чыккан эки команда аныкталды. Калган эки команда Бишкек убактысы боюнча 20-апрель күнү саат 00:45те аныкталат.
