Өзгөн районунун Жалпак-Таш айыл өкмөтүнө караштуу Кысык-Алма айылындагы Чырмаш участкасында жер көчүп, беш турак жайды толугу менен басып калды. Бул тууралуу ӨКМдин маалымат кызматы кабарлады.
Билдирмеге ылайык, аталган аймакта 15-апрелде саат 12.00дө көчкү жүргөн. Азыркы учурда дагы көчкүнүн агымы токтобой сүрүлүп жаткандыктан, тазалоо иштерин жүргүзүүгө мүмкүн болбой жатат.
Мындан улам Куршаб — Жалпак-Таш унаа жолунун 10-чакырымы тосулуп, райондун борбору менен каттам токтотулган.
Табигый кырсыктан эч ким жабыркаган жок. Турак үйдүн ээлери алдын-ала коопсуз жайга көчүрүлгөн.
