БИШКЕК, 7-апр. — Sputnik. Мэрия Бишкек шаарындагы Шабдан баатыр проспектисинин аталышын өзгөртүп, аны "7-апрель" деп которууну сунуштаган документтердин пакетин шаардык кеңештин кароосуна киргизди. Бул тууралуу муниципалитеттин маалымат кызматы билдирди.
Мында Шабдан баатырдын атын Курманжан датка көчөсүнөн Ауэзов көчөсүнө чейинки Чүй проспектисинин бөлүгүнө ыйгаруу сунушталып жатат.
Аталган маселе "Айкөл Ала-Тоо" жана "Мекен шейиттери" коомдук бирикмелеринин кайрылуусунан кийин топонимика боюнча комиссия тарабынан каралганы айтылууда.
