Кырсык борбор калаанын Лев Толстой менен Фатьянов көчөлөрүнүн кесилишинде болгон. Эркек киши ошол жерден мүрт кетти.
БИШКЕК, 7-апр. — Sputnik. Бишкекте жол тандабас айдап бараткан айдоочу бир эркек кишини сүзүп кетти. Кырсыктын кесепетинен жабырлануучу каза болгонун Кайгуул милициясы билдирди.
Окуя борбор калаанын Лев Толстой менен Фатьянов көчөлөрүнүн кесилишинде болжол менен саат 22.20лар чамасында болгон. 51 жаштагы эркек ошол жерден мүрт кеткен. Айдоочунун мас абалында болгону айтылып жатат.
“Toyota Prado унаасы кишини көчөлөрдүн кесилишинен коюп кетти. Ушу тапта 33 жаштагы айдоочу наркология бөлүмүндө текшерүүдөн өтүп жатат. Ал кырсык болгон жерден кетип калууга аракет кылган эмес”, — дешти милициядан.
Аталган факт боюнча бардык тийиштүү экспертизалар дайындалды.
