БИШКЕК, 5-апр. — Sputnik. Апрель элдик революциясынын жети жылдыгына карата боло турчу иш-чаралардан улам милиция 6-апрелден тарта күчөтүлгөн режимде иш алып барат. Бул тууралуу ИИМдин маалымат кызматы билдирди.
Маалыматка ылайык, 7-апрелде борбордук айрым көчөлөргө чектөө киргизилип жабылат.
Алдын ала профилактикалык ыкчам издөө иш аракеттерин жана коомдук саясий кырдаалдарга жол бербөө үчүн ыкчам штаб түзүлгөнү маалыматта белгиленген.
"Бишкек шаардык ИИББи шаар тургундары менен конокторго "Ала-Тоо" аянтындагы көзөмөл өткөрүү пункттарындагы текшерүү иштерин түшүнүү менен кабыл алууңуздарды суранат", — деп ИИМ маалымдады.
Мындан сырткары, ШИИББ кишилер көп жүргөн аймактан ар кандай шектүү жана белгисиз буюмдар байкалса аларга тийбей милицияга кабар берүү керектигин эскертет.
