Акылдуу эсептегичтердин арты менен жоготуулар азайды. Бул тууралуу "Улуттук энергетикалык холдинг компаниясы" ААК башкармалыгынын төрагасы Айбек Калиев парламентте депутаттардын суроолоруна жооп берип жатып билдирди.
Эске сала кетсек, Жогорку Кеӊеште "Улуттук энергетикалык холдинг компаниясы" ААКсынын энергетикалык компанияларында электр энергиясын коммерциялык эсепке алуунун автоматташтырылган тутумун (ЭКЭАТ) киргизүүнүн абалы жөнүндө" токтом долбоору каралып, маалыматтар угулду.
"2012-жылдан 2015-жылга чейин борбор калаага 115 миң акылдуу эсептегич орнотулду. Өткөн жылы Дүйнөлүк банктан 1,9 миллион доллар алынып, ага кошумча акылдуу эсептегичтер сатып алынды. Ошентип 2012-жылдан бери 166 миң 434 даана акылдуу эсептегич коюлду", — деди Калиев.
Ал акылдуу эсептегичтерди орнотуу менен жоготуулар 2012-жылы 22 пайызга азайса, азыр 11 пайызга чейин төмөндөгөнүн кошумчалады.
