БИШКЕК, 4-апр. — Sputnik. Шаардык "Жаш канат" бий ансамбли Астанадагы эл аралык сынакта баш байгени багынтты. Бул тууралуу мэриянын маалымат кызматы кабарлады.
Билдирүүгө ылайык, аталган бий ансамбли Астана шаарында өткөн "Ак көгершин" балдар чыгармачыл сынагына катышкан.
"Конкурска жалпысынан миңге чукул бала катышып, ыр, бий, улуттук аспап жана мода театры боюнча ат салышкан. "Жаш канат" бий ансамблинин кенже тайпасы "Сардал кыз" жана " Биз — каракчы" деген бийи менен баш байгени жеңип кеткен", — деп жазылат маалыматта.
Ал эми аталган бий ансамблинин орто тайпасы 1-орунду камсыз кылган.
