БИШКЕК, 4-апр. — Sputnik. Шаршемби күнү Кыргызстандын аймагында мезгил-мезгили менен жаан, кар жаап, үшүк жүрө турганын Кыргызгидромет билдирди.
Маалыматка ылайык, зымдарга жана бактарга суу кар жармашат. Тоолуу райондордо, тоо этектеринде жолдор тайгак жана тоңголок болуп, кар күрткүсү күтүлөт. Батыштан соккон шамалдын ылдамдыгы секундасына 15-20 метрге жетиши ыктымал.
5-апрель күнү Бишкекте 4…6 градус жылуу болсо, Ош шаарында күндүн табы 6…8 градуска чейин көтөрүлөт.
Чүйдө 3…8 градус жылуу болсо, Таласта 2…7 градус жылуу болушу божомолдонуп жатат. Ош, Жалал-Абад, Баткен облустарында күн 5…10 градуска чейин жылый турганы белгилүү болду. Ысык-Көлдө 4…9, ал эми Нарында 3…8 градус жылуу болушу күтүлүүдө.
