БИШКЕК, 4-апр. — Sputnik. Бишкектеги Ауэзов менен Чүй көчөлөрүндөгү талкаланган көпүрө элге, айрыкча, окуучу балдарга өтө кооптуулук жаратууда. Бул тууралуу Sputnik Кыргызстан агенттигинин Whats App номер аркылуу Алмаз аттуу окурман билдирди.
Ал редакцияга талкаланган көпүрөнүн сүрөтүн да жөнөткөн.
"Бүгүн баламды мектепке алып бара жатып, Ауэзов – Чүй көчөлөрүндөгү көпүрөнүн темирлери чыгып, өтүп жаткандарга кооптуулук жаратып калганын байкадым. Бул жактан күнүгө адамдар, айрыкча жаш балдар көп өтөт. Бир нерсе болуп кетсе ким жооп берет? Көп жылдан бери ушул көпүрөнү жасай албай коюшту", — деп жазган окурман.
Анын билдирүүсүнөн кийин көпүрө жайгашкан аймак караштуу Свердлов райондук администрациясына кайрылганбызда, алар аталган көпүрөнү "Бишкекасфальтсервис" ишканасы эки күндүн ичинде оңдоп берерин айтышты.
Эгер кандайдыр бир окуяларга күбө болуп, сүрөт, видео тартсаңыз Sputnik Кыргызстан агенттигинин WhatsApp номери аркылуу билдириңиз.
