Тибет: быйыл 100 альпинист Жомолунгмага чыгууга камынууда

© Sputnik / Владимир Астапкович / Медиабанкка өтүүСтраны мира. Непал
Страны мира. Непал - Sputnik Кыргызстан
Жазылуу
Жомолунгма деңиз деңгээлинен 8000 миң метр бийиктикте турат. Адатта бул тоого жылына эки ирет — жазында жана күзүндө чыгышат.

БИШКЕК, 3-апр. — Sputnik. Тибетте тоого чыгуу маалы башталып, дүйнөдөгү бийик чокулардын бири болгон Жомолунгманы быйыл багынтууну каалагандардын саны 100гө чамалады. Бул туурасында Синьхуа маалымат агенттиги кабарлады. 

Тибеттин альпинисттик спорт боюнча борборунун өкүлүнүн айтымында, бийик чокуларга чыгуу апрелдин ортосунда башталып, июнга чейин уланат. Быйыл Жомолунгмага кытайлык альпинисттердин ичинен 24ү чыгам деп камданып жатат. Ал эми дүйнөнүн ар кыл бурчунан Жомолунгма, Чо Ойю жана Шишабангма чокуларын мелжеп, Тибетке келгендердин саны 300гө чукулдаган.

Восхождение инвалидов на вершину горы Казбек - Sputnik Кыргызстан
Малайзияда тоого чыгып кеткен 30дан ашык альпинист жоголуп кетти
Маалыматта тоого чыккандардын коопсуздугун Тибеттин альпинизм боюнча ассоциациясынын жана "Шэншань" деп аталган экспедициялык компаниясынын тажрыйбалуу адистери камсыз кылат деп айтылат.

Мындан сырткары, Жомолунгма тоосундагы лагерь автономдуу электр камсыздоодон тармактык камсыздоого өткөнү кабарланган. Бул тоону багындырам дегендерге түзүлгөн шартты мурдагысына салыштырмалуу бир топ жакшыртат.

Тибетте альпинисттердин көзүн күйгүзгөн бийик чокулуу бир топ тоолор орун алган. Алардын арасындагы Жомолунгма деңиз деңгээлинен 8000 миң метр бийиктикте турат. Адатта бул тоолорго жылына эки ирет — жазында жана күзүндө чыгышат. Кышында сууктан, ал эми жайында кар менен мөңгүлөр эрип, кооптуулук жаралгандыктан альпинисттер каттабайт.

Жаңылыктар түрмөгү
0