Элмира Шерипова: селге каршы туруу учун ӨКМ бардык аракетти көрүүдө
ӨКМ тарабынан селге каршы туруу учун бардык аракеттер көрүлүүдө. Бул тууралуу Sputnik Кыргызстан агенттигине Өзгөчө кырдаалдар министрлигинин маалымат катчысы Элмира Шерипова билдирди.
"Үстүбүздөгү жылы оңдоп-түзөө жана калыбына келтирүү боюнча 36 объектиде иш жүргүзүү мерчемделген. Ага ылайык, авариялык абалда болгон сел тосуучу объектилерде оңдоп-түзөө иштери жүрсө, 8 миң 286 кожолук жана 7056 гектар айыл чарба аянттары корголот", — деди ал.
Шерипова Ош облусунда беш, Баткенде алты, Жалал-Абадда алты, Ысык-Көлдө беш, Нарын облусу боюнча үч, Чүйдө жети жана Таласта төрт объектиде иш жасала турганын кошумчалады.
