БИШКЕК, 3-апр. — Sputnik. Кыргызстанда бай адамдардын 20 пайызы чет өлкөгө акча табуу үчүн кетүүнү каалай турганын БУУнун элди жайгаштыруу фондунун жергиликтүү өкүлчүлүгүнөн билдиришти.
Маалыматка караганда, бардар турмушта жашаган сегиз адамдын бирөө Кыргызстандан кетүүнү каалай турганы сурамжылоодон улам белгилүү болгон. Алардын 59 пайызы Россияга, 11 пайызы Казакстанга кетүүнү көздөйт.
Ал эми жакырчылыкта жашаган 13 кишинин бири гана кеткиси келет. Булардын 78 пайызы Россияга, сегиз пайызы Казакстанга барууну туура көрөт.
Жалпысынан ар бир онунчу кыргызстандык өлкөдөн кеткиси келери аныкталды.
