БИШКЕК, 1-апр. — Sputnik. Бишкетке "Мотокросс боюнча шериктештик кубогу. Кыргызстан" эл аралык мелдешинин биринчи этабы өтөрүн мотоциклчилер коомунан билдиришти.
Ал 9-апрель күнү саат 11де Мотокросс федерациясынын мотокроссунда башталат. Мелдешке Казакстан, Россия, Өзбекстан, Тажикстан жана Кыргызстандан 150гө жакын спортчу катышары күтүлүүдө.
Аталган иш-чаранын рейтинги жогору. Анын биринчи этабын Кыргызстанда өткөрүү салтка айланып калган.
Мелдешти мотоциклчилер коому менен Мотокросс федерациясы шаар мэриясынын колдоосунда өткөрөт.
