Быйыл Бишкекке 83 миң бак-дарак отургузулат

© пресс-служба мэрии города БишкекЗеленстрой ишканасынын кызматкерлери дарак отургузуу учурунда. Архив
Зеленстрой ишканасынын кызматкерлери дарак отургузуу учурунда. Архив - Sputnik Кыргызстан
Жазылуу
Мэриянын турак жай жана коммуналдык чарба башкармалыгынын башчысы Канат Эшатов быйылкы жылы шаарды көрктөндүрүү иштери тууралуу айтып берди.

БИШКЕК, 1-апр. — Sputnik. 2017-жылы Бишкек шаарына 83 миң бадал жана бак-дарак отургузулат. Бул тууралуу Sputnik Кыргызстан агенттигине мэриянын турак жай жана коммуналдык чарба башкармалыгынын башчысы Канат Эшатов билдирди.

Анын айтымында, жалпысынан калаага 10 миңдей ийне жана жазы жалбырактуу бак-дарак отургузулат.

"Тигиле турган көчөттөр чоң жана кооз болуп өсөт деп ишенебиз. Мындан сырткары, Бишкекте 10 миң бак жана 63 миң көчөт отургузулат. Тигилген бак-дарактын баары парк жана сейил бактарды көркүнө чыгарат", — деди Эшатов.

Бак-дарактар шаардык көчөлөрдүн боюна да тигилип, шаардын клумбаларында 125 миң тюльпан пайда болот. Эшатов ошондой эле Бишкекке эки миллион гүлдүн түрү тигилип, калаа тургундарын кубантарын кошумчалады.

Жаңылыктар түрмөгү
0