БИШКЕК, 31-мар. — Sputnik. Өзгөн районунун Зергер айыл аймагында жер көчкү алдында калган дагы бир адамдын сөөгү табылгандыгы тууралуу ӨКМдин маалымат кызматынан билдиришти.
"Жер көчкү басып калган жарандарды издөө иштери улантылып, саат 13:40 чамасында куткаруучулар бир адамдын сөөгүн табышты", — деп айтылат билдирүүдө.
Эскерте кетсек, 26-мартта таңга жуук аталган аймактын Топ-Жаңгак участкасында жер көчүп, бир турак-жайды басып, төрт балалуу үй-бүлө көчкү алдында калган. 29-март күнү издөө иш-аракеттеринин натыйжасында 7 жана 1 жаштагы кыздардын сөөгү табылган.
Маркумдун ким экени такталууда.
