БИШКЕК, 28-мар. — Sputnik. Түштүк Кореянын прокуратурасы мурдагы президент Пак Кын Хени каматууга аракет кылууда. Бул тууралуу РИА Новости Түштүк Кореянын YTN телеканалына таянып билдирди.
Рёнхап агенттигинин маалыматына ылайык, дүйшөмбү күнү сотко Пак Кын Хени камакка алуу боюнча кагаз жөнөтүлгөн.
Түштүк Кореянын Конституциялык соту Пак Кын Хеге коррупциялык жаңжалдан улам жарыяланган импичментти күчүндө калтырган. Импичмент былтыр 9-декабрда жарыяланган болчу.
Кореянын тарыхында Пак Кын Хе импичменттин айынан президенттиктен кол жууган алгачкы президент. Ал мамлекеттин ишине досу Цой Сун Силди аралаштырган деп айыпталган. Цой Сун Кореядагы ири компаниялардан пара алганы айтылууда.
Буга чейин 2004-жылы президент Но Му Хёнге да импичмент жарыяланган, бирок Конституциялык сот аны колдогон эмес.
