БИШКЕК, 28-мар. — Sputnik. Шаршембиде түнкүсүн жана эртең менен көпчүлүк аймактарда жаан, тоолуу райондордо кар жаайт. Бул тууралуу Кыргызгидромет билдирди.
Ага ылайык, күндүз Ысык-Көл, Нарын облустарынын кээ бир райондорунда жаан, тоолуу райондордо кар жаап, калган аймактарда күн ачылат. Тоолуу райондордо жана тоо этектеринде жолдор тоңголок, тайгак болот.
Батыштан соккон шамалдын ылдамдыгы секундасына 4-9 метрге жетет.
Бишкек жана Ош шаарларында күндүн табы 18-20 градуска чейин көтөрүлөт.
