БИШКЕК, 25-мар. — Sputnik. Дача айылына кулап түшкөн Boeing-747 учагынын компьютери АКШда иликтенерин Мамлекеттер аралык авиациялык комитеттен (МАК) кабарлашты.
Белгилей кетсек, 16-январда эртең менен саат 7.30дар чамасында Дача айылына Түркиянын АСТ компаниясына тиешелүү жүк ташуучу учак кулап түшкөн. Кырсыктын айынан 39 адам көз жумган. КМШнын Мамлекеттер аралык авиациялык комитети учактын кулашынын себептерин иликтеп жатат. Комиссия менен биргеликте АКШнын Транспорт коопсуздугу боюнча улуттук комитети жанаТүркиянын кырсыктарды иликтөө комитети иш алып барууда.
"Атайын иликтөөлөрдү жүргүзүү үчүн АКШнын транспорт коопсуздугу боюнча улуттук комитетине учактын компьютери жиберилди", — деп айтылат маалыматта.
Мындан тышкары МАКтын алдын ала отчеттору жарыяланганы маалымдалды. Толук текст менен шилтемеден таанышсаңыздар болот.
