БИШКЕК, 25-мар. — Sputnik. Былтыр өлкө башчысынын аппаратына 11,3 миң кайрылуу келип түшкөн. Бул тууралуу президенттин расмий сайтында маалымдалды.
Келип түшкөн кайрылуулардын эң көбү сот жана укук коргоо органдары тууралуу болгон. Алар боюнча 2 730 кайрылуу түшсө, турак-жай маселеси жана үй куруу үчүн жер сурап кайрылгандардын саны 1 058ди түзгөн.
Ошондой эле өлкө башчыга социалдык кызматтын иши, айлык-акы жана ден соолук маселелери боюнча кайрылышкан. Андан сырткары, мамлекеттик наам ыйгаруу, алган насыясын төлөөгө жардам берүү жана башка маселелер боюнча кат жазышкан.
