БИШКЕК, 24-мар. — Sputnik. 1-июлдан баштап Россияда башка өлкөнүн айдоочулук күбөлүгү менен иштеген адамдар ишин уланта албай каларын "Известия" гезити жазды. http://izvestia.ru/news/673267
Июль айынан баштап айдоочулук күбөлүктү башка өлкөдөн алган айдоочулар РФтин "Жол кыймылынын коопсуздугу" мыйзамына жана Административдик укук бузуулар кодексине кирген өзгөрүүлөргө ылайык жумушка алынбайт.
Өзгөрүүнүн унааны жеке өзү үчүн колдонгондорго тиешеси болбойт.
Маалыматка караганда, бул норма буга чейин эки жолу киргизилип, чел өлкөлүк айдоочулардын жана тарнспорт фирмаларынын даярдыгы жок болгондуктан, ишке ашпай калган.
Таксисттер профсоюзу аталган демилгени колдоп, бул мыйзамсыз киши ташыгандарга бөгөт коет деп ишенет.
Бирок гезитте айтылгандай, чет өлкөлүк айдоочулар Россиянын Жол кылмылынын коопсуздугу боюнча мамлекеттик инспекциясына бүгүн арыз берсе дагы 1-июлга чейин күбөлүк алууга жетишпейт. Анткени инспекциядан тиешелүү өлкөгө кат жолдоп, айдоочу чын эле күбөлүк алганын тастыкташы керек. Бул ишке бир нече ай кетиши мүмкүн.
