Эксперименттин каарманы Таалайгүл Усенбаеванын "чыдатпай ичи ооруп", ага Максат Элебесов жардам берип такси тосо баштайт. Токтоткон таксисттердин айрымдары кардары бар экендигине карабай токтоп берсе, айрымдары жөн гана өтүп кетип жатышты.
"Биз экспериментибизде жалпы 10дой таксистке кайрылып, токтотуп жаттык. Анын ичинен жетөө бекер жеткирип коюуга макулдугун берсе, үчөө "күйүүчү майым түгөнүп калды" деген сыяктуу шылтоону айтып отуруп алышты. Бул адамдар "биздин акчабыз жок" деген сөздү укканда дароо баш тартышканы мени таң калтырды", — деди Усенбаева.
Ал ошондой эле жардам берген таксисттердин көпчүлүгү жашы өтүп калган адамдар экенин айтып, аларга ыраазы болгонун кошумчалады.
