БИШКЕК, 24-мар. — Sputnik. Үстүбүздөгү жылдын 1-апрелинен тарта 1994-жылкы паспорттор юридикалык күчүн жоготот. Бул тууралуу Мамлекеттик каттоо кызматынан кабарлашты.
"Кыргызстандыктарды ID-card менен камсыздоо үчүн 2015-жылдын август айынан тарта 60 жаштагы жарандарды паспорт менен бекер камсыздоо кампаниясы жүрүп жатат. Алар жеңилдетилген түрдө документке ээ боло алышат", — деп айтылат маалыматта.
28 Бирдин айы 2017, 18:34
1994-жылкы паспорту менен жүргөн адамдар катталган жерине жараша райондук бөлүмдөргө кайрылуулары керек. Ал эми Бишкек, Баткен, Жалал-Абад жана Чүй облусундагылар негизги документти учурда жашап жаткан жеринен эле алмаштыра алышат.
Мындан тышкары, паспортту жаңыртуу үчүн үйүнөн чыга албаган мүмкүнчүлүгү чектелген жарандар үчүн атайын мобилдүү топ иштеп жатат.
