БИШКЕК, 23-мар. — Sputnik. Улуу Ата Мекендик согуштун ардагери Леонид Тузовго кол салды деп шектелген жарандар камакка алынганын Sputnik Кыргызстан агенттигине ШИИБ билдирди.
23 Жалган Куран 2017, 11:51
Эскерте кетсек, 13-март күнү 91 жаштагы карыянын эшигин тыкылдатып кирген аялдар абышкага кол салып, беш орденин, 15 медалын жана 180 миң сомун алып кетишкен. Милиция шектүү катары Чүй облусунда жашаган 45 жана 18 жаштагы эки аялды кармаган.
Маалыматка ылайык, Ленин райондук соту кармалган аялдарды эки айга камакка алуу чечимин чыгарды. Аларга карата Кылмыш кодексинин "Каракчылык" беренеси боюнча кылмыш иши козголуп, тергөө жүрүп жатат.
