БИШКЕК, 16-мар. — Sputnik. Мусулмандар батыштын цивилизациясына оңой менен сиңип кете албай турганын АКШ президенти Дональд Трамп Fox News телеканалына берген маегинде баса белгилеген.
"Көнүшүү процесси жеңил болбойт. Мусулмандардын аралашып кетиши абдан оор болот", — деди Трамп.
Ал Германияда, Швецияда, Брюсселде жана башка жакта болуп жатканын окуяларды мисал келтирди.
3 Бирдин айы 2017, 20:18
АКШ президентинин телеканалга берген маеги Трамптын миграциялык Жарлыгын токтотуу боюнча Гавайи штатынын сотунун өкүмү чыкканга чейин алынган. Трамп Теннесси штатынын Нэшвилл шаарында тарапташтары менен жолукканда бул чечимди саясатташтырылды деп сыпаттаган.
Белгилей кетсек, 6-мартта Дональд Трамп мусулмандар көп жашаган Жакынкы Чыгыш жана Түндүк Африка өлкөлөрүнүн жарандарына АКШга кирүүгө убактылуу чектөө киргизген. Президент мындай аракетин бул мамлекеттер согушкерлерге жардам берип, аларды жашырып жүргөнүнөн улам жасалганын баса белгилеген.
