БИШКЕК, 15-мар. — Sputnik. Президент Алмазбек Атамбаев ишеним грамотасын тапшыруу аземинде Кыргызстан кимдир-бирөөлөр үчүн шахмат тактасы экенин билдирди.
Ал өлкө башчыга ар кандай жалаалардын жабылышы 19-ноябрда өтө турган президенттик шайлоого карата өлкөдөгү абалды туруксуздаштырууга болгон аракет катары түшүнүүгө болорун белгиледи.
"Чоң оюн башталды, кимдир-бирөөлөр үчүн Кыргызстан шахмат тактасы болуп калды", — деди президент.
Президент "Азаттык" "Свобода" радиосунун филиалы болуп АКШ конгресси тарабынан каржыланарын белгилеп, "Свободанын" бюджети миллиондогон долларларды түзөрүн айтып өттү. Ал эми Zanoza дагы чет элден ири гранттарды аларын билдирди.
"Ошондуктан алардын жактоочулары эки жүздүүлүк кылып калп эле ыйлай беришпесин", — деп мамлекет башчы кошумчалады.
Эки маалымат каражаттарына карата доо арыз 26 миллион сомду түзгөн.
