БИШКЕК, 13-мар. — Sputnik. Оштун Кара-Суу районундагы Кайрагач айылында жол кырсыгы болуп, үч адам каза болду. Бул тууралуу Ош облустук ички иштер башкармалыгы билдирди.
Маалыматка ылайык, кырсык 12-мартка караган түнү Бишкек — Ош унаа жолунун 648-чакырымында болуп, Honda Fit менен Honda Civic унаалары кагышкан.
"Кырсыктан эки айдоочу жана бир жүргүнчү каза болду. Айдоочулар кырсык болгон жерде жан берген", — деп жазылат маалыматта.
Мындан сырткары, эки жүргүнчү оор жаракат алышкан. Учуруда териштирүү иштери башталды.
