БИШКЕК, 9-мар. — Sputnik. Ысык-Ата районунун Ивановка айылында беш жашар кыз жоголду. Бул тууралуу ӨКМдин маалымат кызматы билдирди.
Маалыматта кызды Бишкек-Торугарт унаа жолунун боюнда жайгашкан кафеде 7-март күнү эртең мененки саат 07:00 чамасынан таппай калышкандыгы айтылат.
"Апасы беш жашар кызын кафе иштеткен таякесине таштап кеткен. Бир сааттан кийин келип,кызын таппай калышкан. Бир күн издеп, майнап чыкпаган соң куткаруучуларга кайрылышкан", — деп жазылат маалыматта.
Учурда кызды издөө иштери улантылууда.
