Салтанат Турдукеева:"Ак илбирс" чет элдик тасмаларды кабыл алуусун улантууда
"Ак илбирс" улуттук киносыйлыгына талапкерлерди кабыл алуу мөөнөтү аяктады. Бул тууралуу "Ак илбирс" киносыйлыгынын координатору Салтанат Турдукеева билдирди.
Анын айтымында, ушу тапта 31 жергиликтүү тасмадан өтүнмө түштү.
"Сынакка быйыл 31 тасма өтүнмө жиберишти. Анын ичинде 14 толук метраждуу, 10 кыска метраждуу жана 7 документалдуу тасма кабыл алынды. Андан сырткары, учурда чет элдик тасмаларды кабыл алуу иши уланууда", — деди Турдукеева.
Эске сала кетсек, "Ак илбирс" улуттук киносыйлыгы 2012-жылы негизделип, 18 номинация боюнча Кыргызстандагы жана Орто Азиядагы мыкты тасмаларды аныктайт.
