БИШКЕК, 6-мар. — Sputnik. Улуттук "Ак илбирс" киносыйлыгына 30дан ашык тасма катышат. Бул тууралуу өлкөнүн Кинематография уюму билдирди.
2 Жалган Куран 2017, 15:41
Маалыматка ылайык, жыл сайын өтүп келген сынакка быйыл 31 тасма өтүнмө жиберген. Анын ичинде 14 толук метраждуу, 10 кыска метраждуу жана 7 даректүү тасма кабыл алынды.
Тандоо комиссиясы тасмаларды ушул жумада көрө баштайт. Алтынчы жолу өткөрүлүп жаткан киносыйлыктын жеңүүчүлөрү 14-апрелде белгилүү болот.
Кошумчалай кетсек, "Ак илбирс" улуттук киносыйлыгы 2012-жылы негизделип, 18 номинация боюнча Кыргызстандагы жана Орто Азиядагы мыкты тасмаларды аныктайт.
