БИШКЕК, 5-мар. — Sputnik. Кыргызстанда тоолуу аймактарда жашаган жана иштеп, балалуу болгон тургундарга 10 миң сомдон берүү сунушталып жатат. Мындай демилге Жогорку Кеңештин депутаттары тарабынан "Тоолуу жана алыскы аймактарда жашап, иштегендерге мамлекеттик кепилдик жана компенсациялар жөнүндө" мыйзамга түзөтүү катары сунушталды.
Жогорку Кеңештин сайтында жазылгандай, эгер парламент бул түзөтүүнү жактырса, аны жаңы балалуу болгондор жана төрөлгөнүнө алты ай толо элек баланы асырап алгандар ала алат.
Бул каражатты ымыркайды оор шартта ирдентүүгө компенсация катары төлөө каралып жатат. Ата-энелер акчаны баласы алты айдан ашып, жети айдан өтө электе талап кылса болот. Дагы бир шарт — баланын ата-энеси тоолуу райондо туруктуу жашай турганы паспортунда көрсөтүлүшү зарыл.
Эгер бала өлүү төрөлсө же чарчап калса, компенсация берилбейт. Ошондой эле балдар үйүндө багылып жаткан балдарга дагы аталган акча каралган эмес.
