БИШКЕК, 5-мар. — Sputnik. "Ата Мекен" партиясы бүгүнкү чукул съездинде Өмүрбек Текебаевдин талапкерлигин президенттикке сунуштоо чечимин кабыл алды. Бул боюнча Sputnik Кыргызстан агенттигине фракциянын убактылуу лидери Алмамбет Шыкмаматов билдирди.
"Бүгүнкү чукул съездинде эки чечим кабыл алынды. Биринчиси — мыйзамсыз камакка алынган Өмүрбек Текебаев менен Дүйшөн Чотоновду бошотуу талабын күчүндө калтыруу. Экинчиси — Өмүрбек Текебаевдин талапкерлигин президенттикке сунуштоо. Экинчи чечимибиздин юридикалык тараптары биздин көйгөй эмес. Биз Өмүрбек Чиркешовичтин талапкерлигин сунуштадык, эми ага Борбордук шайлоо комитети баш оорутсун", — деди Шыкмаматов.
Ошондой эле парламентарий "Ата Мекендин" региондордогу ячейкалары жаздагы тычтык минингине кам көрө баштаганын кошумчалады.
