БИШКЕК, 5-мар. — Sputnik. Улуу Британия өкмөтү Ирактын инфраструктуралык долбоорлоруна 10 миллиард фунт стерлинг бөлө турганын Рейтер агенттигине таянуу менен РИА Новости жазып чыкты.
Британиялык аскерлер Саддам Хусейндин режимин кулатуу максаты менен Иракка 2003-жылы басып кирген эл аралык коалициянын курамында болчу. Акыркы жылдары Багдад тыюу салынган "Ислам мамлекети" террордук уюмуна каршы согуштук аракеттерди көрүп келет.
Маалыматка ылайык, Иракка каражат карызга берилмекчи. Азырынча сүйлөшүүнүн чоо-жайы тактала элек.
Акча каражатынын бөлүнүшү тууралуу расмий билдирүү таратыла турганы кошумчаланды.
