"Ошэлектро" ачык акционердик коомунун жалпы дебитордук карызы 503 миллион сомду түзөт. Анын ичинен эң көп карызы бар Ош шаардык "Жылуулук камсыздоо" ишканасы экендигин "Ошэлектро" мекемесинин маалымат катчысы Талгат Алиханов билдирди.
Анын айтымында, мекеме Ош "Жылуулук камсыздоо" ишканасынан карызды өндүрүү максатында сотко чейин кайрылган.
"Жылуулук камсыздоо" ишканасынын карызы 333 миллион сомго жетти. Бул "Ошэлектронун" дебитордук карызынын 60-70 пайызын түзөт. Карызды өндүрүп берүү өтүнүчү менен Ош шаардык сотуна арыз менен кайрылганбыз. Натыйжада соттун чечими биздин пайдабызга чечилген. Бирок ага карабастан ишкана бүгүнкү күнгө чейин карызын толук төлөбөй келет", — деди Алиханов.
Ал белгилегендей, аталган ишкана 5-6 жылдан бери төлөнбөй келген төлөмдөрдүн 80 миллионун былтыр төлөгөн.
