БИШКЕК, 1-мар. — Sputnik. Бүгүндөн тарта Нарын облусунда малды идентификациялоо иштери башталгандыгы тууралуу Sputnik Кыргызстан агенттигине Ат-Башы районунун ветеринардык жана фитосанитардык коопсуздук башкармалыгынын башчысы Алыбек Мааданбеков билдирди.
"Учурда Ат-Башы районундагы бардык айылдарда уйларга жеке номерлүү биркалар тагылып жатат. Эми каттоодогу жана каттоого алынбаган малдардын баарына жеке номерлер берилет. Борборлоштурулган базага чогултулган маалыматтар малдын жоголуп, уурдалып кетишине же эмделбей калышына жолтоо болот", — деди Мааданбеков.
Анын айтымында, уй этин жана сүтүн ээн-эркин сатууга мүмкүнчүлүк алуу үчүн идентификациялоо биринчи уйлардан башталып жатат.
Эске салсак, буга чейинки малды идентификацилоо иши Ысык-Ата районунда болгон.
