БИШКЕК, 28-фев. — Sputnik. Кыргызстанга иш сапары менен Россиянын Хоккей федерациясынын президенти, үч жолку Олимпиада чемпиону Владислав Третьяк келерин Жаштар иши, дене тарбия жана спорт агенттигинен билдиришти.
Ага ылайык, 4-мартта эки өлкөнүн хоккей федерацияларынын ортосунда кызматташуу меморандумуна кол коюлат.
Келишим Третьяк менен КРдин Хоккей федерациясынын президенти Анвар Оморканов ортосунда түзүлөт. Анын шарттары азырынча айтыла элек.
Жолугушууга Спорт агенттигинин жетекчиси Канат Аманкулов дагы катышат.
Третьяк Кыргызстанга ушуну менен экинчи ирет келаекчи. Биринчи жолкусунда өлкө президенти Алмазбек Атамбаев менен жолуккан.
