БИШКЕК, 28-фев. — Sputnik. Россиянын Ички иштер министри Владимир Колокольцев бүгүн түнү Бишкекке келгендигин ИИМден кабарлашты.
Билдирмеге караганда, россиялык делегацияны Ички иштер министри Улан Исраилов тосуп алган.
"Россиянын Ички иштер министрлигинин делегациясынын келиши Владимир Путиндин Кыргызстанга расмий сапарына байланыштуу уюштурулган", — деп айтылат маалыматта.
Эки тараптуу жолугушуу учурунда экстремизм, терроризм жана мыйзамсыз миграцияга каршы туруу, мыйзамсыз баңгизат жүгүртүүгө каршы туруу, ошондой эле эл аралык кызматташтыкты арттыруу маселелери талкууланган.
Жолугушуунун соңунда эки тараптуу кызматташууну жана мамилелерди жогорку денгээлде жүргүзүү керек экендиги белгиленген.
