БИШКЕК, 25-фев. — Sputnik. Президент Алмазбек Атамбаев Жогорку соттун Конституциялык палатасынын төрагасы Эркинбек Мамыровду кабыл алып, өлкө жарандарынын конституциялык укуктарын коргоо боюнча жүргүзүлүп жаткан иштер тууралуу маалымат алды. Бул тууралуу өлкө башчынын маалымат кызматы билдирди.
МЫндан тышкары, укуктук жөнгө салуудагы кенемтелерди өз убагында толтурбоо жарандардын жана юридикалык жактардын Конституцияда кепилденген укуктарынын жана мыйзамдуу кызыкчылыктарынын бузулушуна алып келерин белгиледи.
Президент Конституциялык палатанын чечимдери бардык мамлекеттик органдар тарабынан кыйшаюусуз аткарылышы зарылдыгын белгиледи. Муну менен бирге конституциялык көзөмөл органынын чечимдерин регламенттөөчү аракеттеги мыйзамдарга өзгөртүүлөрдү киргизүү керек экенин айтты.
Атамбаев өлкө Конституциясы тарабынан кепилденген жарандардын укуктары жана эркиндиктери, анын ичинде палатанын чечимдеринде көрсөтүлгөн кенемтелерди толуктоо аркылуу да бардык бийлик бутактары тарабынан толук көлөмдө камсыз этилиши керектигине токтолду.
