БИШКЕК, 22-фев. — Sputnik. Өзбекстандын Самарканд шаарында өтө турчу эл аралык музыкалык конкурска катышуу үчүн кыргызстандык ырчыларга дагы чакыруу келди. Бул тууралуу Маданият, маалымат жана туризм министрлиги билдирди.
Ага ылайык, фестивалдын баш байгеси 10 миң долларды түзөт. Профессионал ырчылар менен музыкалык топторду "Шарк тароналари" ("Чыгыш ыргактары") эл аралык музыкалык фестивалдын дирекциясы чакырууда.
Фестиваль учурунда катышуучулардын ичкен-жегенин жана түнөй турчу жерин дирекция каржылайт. Ал эми жол чыгымдарын жиберген тарап өзү алышы керек.
Конкурста баш байгеге татыган ырчы 10 миң доллар алат. Калган орундардын сыйлыктары төмөндөгүчө.
- Биринчи орун (2) — ар бирине 7 миң доллардан;
- Экинчи орун (2) — ар бирине 5 миң доллардан;
- Үчүнчү орун (2) — ар бирине 3 миң доллардан.
Конкурска катышууну каалагандар КРдин Маданият министрлигинин искусствону өнүктүрүү башкармалыгына 0 (312) 62-34-97 телефондору аркылуу кайрылса болот.
