БИШКЕК, 22-фев. — Sputnik. 23-февралда жаан-чачын күтүлбөйт. Бул тууралуу Кыргызгидромет билдирди.
Маалыматка ылайык, жолдор тайгак болот. Шамалдын багыты өзгөрүлүп, ылдамдыгы секундасына 1-6 метрге жетет.
"Ош шаарында 7 градус жылуу болсо, Бишкекте күндүн табы 6 градуска чейин көтөрүлөт", — деп жазылат билдирүүдө.
Чүй өрөөнүндө түнкүсүн — 3…-8, күндүз 3…8 градус жылуу болот. Таласта түнкүсүн —10…-15, күндүз 7 градуска чейин жылыйт.
Ош, Жалал-Абад жана Баткен облустарында түнкүсүн — 4…-9, күндүз 3…8 градус жылуу болот. Ысык-Көлдө түнкүсүн — 7…-12, күндүз 5 градус жылуу болсо, Нарында түнкүсүн —25…-30, күндүз —8…-13 градуска чейин суук болот.
