Элиза Арапбаева: "Канжар-2017" аскердик машыгуусуна Индиядан 20 жоокер келди
Жалал-Абад облусунда башталган "Канжар-2017" аскердик машыгуусуна Индиядан 20 жоокер келди. Бул тууралуу Sputnik Кыргызстан агенттигине №02626 аскердик бөлүгүнүн корреспонденттик пунктунун башчысы, лейтенант Элиза Арапбаева билдирди.
Анын айтымында, иш-чара эки жумага созулат.
"Иш-чара 20-февралдан 5-мартка чейин уланат. Ага кыргызстандык 20 жоокер жана Индиядан келген 20 аскер кызматкери катышууда. Алар негизинен тоолуу аймактарга мыйзамсыз куралдуу топторду жок кылуу боюнча тажрыйба алмашат", — деди Арапбаева.
Андан сырткары, чалгындоо, инженердик жана аскердик-медициналык багыттар боюнча тажрыйба алмашуулар болуп, практикалык сабактар дагы каралган.
Эске сала кетсек, аталган машыгуу былтыр Индияда өткөн.
