Быйылкы жылы Талас облусунда төө буурчактын баасы жогорулап, аймактын эли ыраазы болууда. Бул тууралуу Sputnik маалымат агенттигине Талас облусунун агрардык өнүктүрүү секторунун жетекчиси Нургазы Ибрагим уулу билдирди.
Анын айтымында, бул жылы 1 килограмм буурчактын баасы 70 сомдон 80 сомго чейин жеткен.
"БЫлтыр 52830 гектар жерге төө буурчак себилип, түшүмдүүлүгү 17,3 пайызды түзүп, 91 469 тонна түшүм жыйналган. Жыйналган төө буурчактын теңинен көбү дүйнөнүн 23 мамлекетине экспорттолду. Анын ичинде Түркия мамлекетине 19 510 тонна төө буурчак жөнөтүлдү. 2017-жылы былтыркы жылга салыштырмалуу бир тоннага азыраак төө буурчак себилет", — деди Нургазы Ибрагим уулу.
Анын айтымында, жер айдоо учурунда буурчактын көбү сатылып кеткендиктен анын баасы 100 сомго чейин жогорулашы ыктымал.
